آخر المشاركات

المؤتمر العربي الخامس تركيا » الكاتب: غادة الرفاعى » آخر مشاركة: غادة الرفاعى تصريح الناطق الرسمي لجيش رجال الطريقة النقشبندية ونفيه لما ورد في بيان لجبهة جديدة غي » الكاتب: ابو سفيان النقشبندي » آخر مشاركة: ابو سفيان النقشبندي بايرن ميونيخ يزلزل روما غايتو الألمان ديل » الكاتب: شنبوو » آخر مشاركة: ماهد نهائي كأس السودان اليوم الاحد 8 مساء » الكاتب: شنبوو » آخر مشاركة: شنبوو منتخبنا القومي يقابل نيجيريا في الجولة الثالثة » الكاتب: شنبوو » آخر مشاركة: عبد الرحمن صلاح الدين وفاة شاعر أنا سوداني أنا الاستاذ محمد عثمان عبد الرحيم » الكاتب: شنبوو » آخر مشاركة: سكرة مؤسسات التفكير والخبرة » الكاتب: غادة الرفاعى » آخر مشاركة: غادة الرفاعى بعثة الحج السودانية عيب عليكم » الكاتب: شنبوو » آخر مشاركة: عثمان عبد الله الدوري السوداني الممتاز 2014 جدول المباريات والتحليل والتعليق » الكاتب: شنبوو » آخر مشاركة: شنبوو مهارات عرض المنتجات عملي » الكاتب: ود النور » آخر مشاركة: سحرالعيون

اغاني مصطفى مكتوبة

اغاني مصطفى مكتوبة


صفحة 1 من 2 12 الأخيرةالأخيرة
النتائج 1 إلى 15 من 17

الموضوع: اغاني مصطفى مكتوبة

  1. #1
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    اغاني مصطفى مكتوبة

    الشجن الاليم


    عارفني منك

    لا الزمن يقدر يحول قلبي عنك ..

    لا المسافة ولا الخيال يشغلني منك

    وتحرمني منك ..

    والمواعيد لا بتجيب منك تودي

    لا الشجن قادر يجيبني عليك اعديي

    لا التحايا ولا المشاعر الحية في جوا الحنايا

    لا رسالة تجيني منك

    لا خبر طمني عنك

    وانت سابق فيني ظنك

    رغم .. انك
    وانت عارف

    انو منك

    لا الزمن يقدر يحول قلبي عنك

    لا المسافة ولا الخيال يشغلني منك

    وابقى بعدك في الاسى وتبقى انت الظالم القاسي النسى

    وغصب عني ازيح ظنوني

    اقول عليك انت المسامح وفوق شجوني

    اعيش زمان للفرقة جارح فوق شجوني

    وفي احتمالي وبالي انك

    انت سابق فيني ظنك رغم انك

    انت عارف انه منك

    لا الزمن يقدر يحول قلبي عنك

    لا المسافة ولا الخيال يشغلني منك

    ياهوى الالم النعيم

    خليني في الموعد القديم

    خليني في الشجن الاليم


  2. #2
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    ابداك من وين
    ازهري محمد علي



    ابداك من وين وفيني منك

    لسة حاجات من مخاوف ومن شجن

    ابداك من وين وظني انك

    فكرة اعلان الحياة وانتهاءات العوارض والمحن

    نفسي القاك واكون ..

    كلي من بعضك او بعضي من كلك بدن

    داير القاك و اوحد دايرة الدم المقسمة

    بيني وبينك والسحن

    ابداك من وين

    ابتديتك محل محل

    من ياتو منفذ بدخلك

    كل المنافذ سداها المحل

    من ياتو شارع بوصلك

    كل الدروب معطونة نيران بالوحل .

    استبيح كل الشوارع وادخلك

    استبيح كل المنافذ وادخلك

    من بين كلامك بدخلك

    من ابتسامتك بدخلك

    من بين مسامك بدخلك

    نتلاقى نهرين من تسامي واشتهاء

    ابداك من حيث انتهت

    عندك خواتم الانتهاء

    من أي قاسم مشترك

    او شبه التشابه بدخلك

    ابداك من وين


  3. #3
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    صابرين



    صابرين يا حزن الغنى ..صابرين

    من بعد الضنا .. صابرين

    على وعد المنى

    برجاك يا ارض الحبيبة

    وبلقاك في الفرحة القريبة

    وبشراك يا ام السناء .. صابرين

    لا ليل ولاحزن طائل

    لا صبر ولا دمع سائل

    لا هم جاك يا ام نفايل

    والنيل فاض وانحنى

    نيلين وحلمك هنا

    فرعين شايلين جنا

    صابرين سلامات

    عشرات حبابك سلامات

    اسلم شبابك سلامات

    شايل سحابك سلامات

    والقبلي شابك

    سلامات

    خيرك سنابل

    وهواك هنا

    صادقين عاشقين

    ترابك حزين سلامات

    يا حزن الغنى

    صابرين


  4. #4
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    مزيكة الحواري



    ماني غرقان في التمني
    ولاني سارح بالأماني
    زارني خاطراً بلّ شوقي وإحتواني
    النخل إتلاقى غنى
    وردد النيل الأغاني
    النجوم لامع بريقا
    الورود النايمة فاقت
    عطرت كل الجزاير بي رحيقا
    الندى الراقد بفوقا
    صفّقت جنحاتو غنت لي هوايا
    دقوا مزيكة الحواري
    رقصوا البنوت أعرضوا
    النخل زايد في عرضو وفي علاهو
    البيوت غرقت وراهو
    وبرضو زايد في علاهو
    يحكى للدنيا الجميلة
    سر عظمتو وسر بهاهو
    ضى عيونك يا بنية
    يضوي من بلداً بعيدة
    تحملك لينا الغمامة
    ويكتمل للروح نشيدا
    وفى الدروب الليك تودي
    بنسرج الخيل العنيدة
    والحزن من نور عيونك
    يلبس الفرحة الجديدة
    وأنا راكب يا مراكب
    لا الرياح توقف خطايا
    لا الجبال تحجب رؤايا
    ست شموس الكون منايا
    ليك مسافر
    ومن كتير الزاد مسافر بي غنايا
    نوصل الشمس البعيدة
    نبقى عيدا
    نزرع الحب البيوقد
    لي النهاية


  5. #5
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    مدن عينيك
    عبد القادر الكتيابي



    لمحتك
    قلت بر امن بديت احلم
    الملم قدرتي الباقية
    واشد ساعد على المقداف
    تلوح لي مدن عينيك
    وترفع لى منارة بسمتك سارية
    بديت احلم
    كل ما الريح تطارد الموج
    أزيد إصرار واحلف بيك
    أغير سكة التيار
    أقول يا انتى يا اغرق
    تلوح لى مدن عينيك
    تلوح لى
    أخاف الضفة ترجع بيك قبل الحق
    أخاف غيم المنى الشايل تسوقو الريح ويتفرق
    أخاف ..أخاف ..أخاف
    واشد ساعد على المجداف
    واجيك بقدرتي الباقية
    حطام إنسان موسم بشقى الدنيا
    مقسم قلبو في الاحزان اجيك فنان
    اشد اوتارى واحكي ليك
    حكاية إنسان وهب لسكتك نفسو
    رسم صورتك على حسو
    ربط ساعد على المجداف
    وقال يا انت يا اغرق
    أخاف ..أخاف .. أخاف
    أخاف غيم المنى الشايل
    تسوقوا الريح ويتفرق
    والاقيك يا أماني سراب
    مواهبى عليه تدفق
    أخاف ..أخاف .. أخاف


  6. #6
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    اديني احساس بالامل



    أديني إحساس بالأمل

    في كل رحلة شوق تطول

    وادى الخطاوى الراجعة ليك

    في سكتك وأمل وصول

    ما الدنيا كلها انتظار

    و الارتحال قدر الفصول

    الموجة تحلم بالضفاف

    والغيمة تحلم بالهطول

    راحل معاي ضي الأماني

    وذكرى في الأيام هناك

    لحظات بتذخر بالمعانى

    وكيف أنسى تذكارات هواك

    نتحمل الغربة ونعاني

    و نصبر عشان نكسب رضاك

    ونغنى لو زاد الحنين

    ويارتيو كان سفرا معاك


  7. #7
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    لحظة شهيق عاطف خيري



    نكر صوتك صداك غالطني الزمن فيك

    شهرت على الجفاف وعدك بطاقاتنا

    الخريفية رجع فاضي الكلام مليان معاك

    أتبرجت غيمة وشهق جواي صوت جدول

    مرقت على المطر حفيان لقيتك والرزاز

    مدخل وناديتك أقيفى معاى نشيل كتف

    الغنا الميّل ونتخيل حلم دونك بيتحقق

    وقبلك خيل دماي واقفة على شرياني

    تتشهد وبرد صوتك صداك غنيتي

    رشحت حلقك لي إذاعات الشجر

    والمنتظر من عودة المدعو المطر

    للطنابير والمسادير واللسة في رحم

    القصيد والدابو حسة وفى سوق عكاظ

    بين مزازات الحروف غيرت رسمك

    واحتكرتك للظروف للزمان اللي جائى

    واللحظة اللي فاتت منك حسه

    يا واقفة بين جرح السحاب وبين

    شهقة الأرض البكر ما كان دريت

    كان إحتمال تغيير قوانين حركاتك

    مابين حديثنا ولحظة الفعل الحقيقي

    وإنتباهك إنتى للشارع البيرحع

    تانى لي نقطة بدايتو وإنحيازك

    إنتى للشارع البيرشح في مسام

    رمل التوقع ما إتعرف قانون نهايتو

    غايتو أمشى بالدرب البطابق فيه

    خطوك صوت حوافرك

    يا فرس كل القبيلة تلجمو و يكسر

    قناعاتو ويفر يسكن مع البدو في الخلا

    ما يرضى غير الريح تجادلو وتقنعو

    إفترضتك لون أساسي يمنح اللوحة

    إزدواجية القراية ويفتح الضوء بين

    خطوط الريشة والخط الإضافي

    الجائى من شبكية الزول المشاهد

    وإكتشفنا الرسمك وأنا وبرضو

    التوارد في الخواطر

    نفس أرقام التذاكر البيها

    سافرنا وشهدنا إنفجارك

    في الأرض يا سمراء يا واضحة

    ما غنيت يوم جيتك صدفة

    قبل أبداك كان غصنك بشر

    يوم ما كان إحساسك مسا

    عرّج الغيمة الفيني ومطّر

    لحظة طار عصفور من صدرك

    ردد فينا إحساس بالإلفة

    ودوزن عصب الزمن الأشتر

    وقلت المارق منك

    داخل جرح الوردة وراسم فوقها غناوى الطل

    المارق منك رجّع للغابات العرب العاربة

    وللعتمور الزنج الهاربة وادّى الكون

    مفتاح الحل المارق منك شادد عصب الورقة

    وحرفي وراسم في اللاوعي سكون

    مواعيد صحوه وحلمو ونومو شارّى

    يقينك في صمتي سارق لحظة إنى أفكر

    المارق منك مارق منك أو مت شهيد

    ما تضاري وراء الدعوات ما تتلبسي

    الفرح الفات بسكن فيك النغم الزائف

    ويسرق حاسة شوقنا الواقفة على

    رجلين جواي ،نحن الهاوية والمتطامن

    من الأرض آه من نحلك ساعة يرحل

    ولمن يكتب فينا الحنضل ويختم عمره بفعل الشهد

    قال الجدول طلوع النخلة مرور الريح واحد

    لكن الريح بيعانق حقل ونحن بنطلع نخلة

    وننزل ونكتب في ذاكرة الصفق الأخضر

    سجنا الريح في الورق الأبيض

    وجهناها ضد التمر الناعس يسقط

    فى قبعة الحارس ذي الكان بيناتا ووارث

    قالت غيمه بين قوسين غيمه لئيمة

    أولاد الشارع فهرس لي كل المدن

    التهرس جوفك بالأسمنت قالت ريح

    شوف الناس قنديل لو ما نوّر يحرق

    كوخ وباقي الحلة تنور أو جبة جوخ

    أو ينزل بوخ يقول لي النسمة الزائفة أقيفى

    لو تتفرد ريح تتشرد ريح ريح الخوف

    لو تتفرد ريح تبدأ تفرتق ضفاير المدن

    النائمة تعيد تسريحتك

    يوم سمايتك شكل قامتك كيف تموتي

    وتحيى تانى ويوم قيامتك هو البيدينا الثبات

    يا مجلوبة في قافلة رق ما بستحمل صدرك

    رصاص الظلم يا صابت رحم الفال

    يا قطعت حبل الود يا كنا نبيعك يا نسرق

    اخترنا النار الضلها يحرق

    ضللناك إنو الدنيا بيخشها ضوء يجرح

    جلد العتمة لما الليل قربان فجرك

    يا بت يا نيل لو نامت قمحة على الأبيض

    تتشرد زيو زاد الأبيض في غيه

    مدد رجله اليسرى ماكان الكٍسرة

    جاتك من بره صفرة ومنكسرة

    زوجناك الشهداء أولاد الكلب

    الماتو عشان الشعب زوجناك

    ما عندك ضرة زوجناك ما جاتك ضرة

    ما إنشاف ما عونك في الحلة يساسق ويلقى فتات

    قال الأبيض للأزرق يبقى ضد الإنتباه

    ضد تواريخ التمازج البيني بينك

    للبشوفك في مراهفة الخرائط

    فينا من وجع المسافرين واطه ما لاقت هوية

    ردَّ الأزرق مطر الحبش لوكان نبش جواك سقف

    وهدّ حيلك في الدواخل وشدّ عصبك في المداخل

    صوت مراكبي وجيت بتسأل في القمح

    وفينا من فرح المسافرين قصة الشمس القضية

    يا أعشاب النيل الأبيض ما تتضارى وراء الدعوات

    أقرأ تاريخك وأقاوم وأسأل جبين الفجرألقى الفجر

    مطعون في القفا هل سافرت في ذنبك المحموم

    حبة غضب ما شلنا جمرك وإنطفا جوانا نارك والمطر

    جائين بي الكتابة وضربة الناس المهابة

    لو هزّ نخلك باشبزق ما فارق النخل السبيط

    ما ساور الطورية شك إنو الأرض أنثى

    وبتحمل بي الحلال مين اللي قال إنو المسافة

    البينا وبين الشمس طاقة أو مياه النيل

    بتدخل في عروق السنبلة المسقية بي

    عرق الجعانين والمسافرين بالبطاقة

    أقرا تاريخك وأقيف جواك والزمن النضيف

    جواي من جواك غضب سلم مفاتيح

    السؤال جيل الشمس موكب حريق

    واقف على باب الدخول بيناتو بينات الوصول لحظة شهيق


  8. #8
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    من بعد ما عز المزار


    من بعد ما عز المزار

    والليل سهى وملت نجوموا الانتظار

    والشوق شرب

    حزن المواويل وانجرح خاطر النهار

    وبقيت اعاين في الوجوه

    واسال عليك وسط الزحام

    قبال اتوه يمكن الاقي البشبهك

    ما الليل براح والشوق بيندهك

    شايلاه وين النيل معاك

    عصفورة جنحاتها النجوم وانا بي وراك

    بسال عليك مدن وبعصر سلافة الليل حزن

    بسأل عليك في المنفى في مرفى السفن

    امكن طيوفك اخريات الليل تمر

    تملأ البراحات للحزين طول العمر

    ما نحن بينا الامنيات والتضحية

    بينا المعزات والعذابات في الحياة

    بينا الهوى اخلاص على قلب انكوى

    وكلام كثير قلناه آخر الليل سوا

    انو راح نتلاقى لو طال النوى

    لكن كلامنا الكان وكان

    خايف يكون شالو الهوى


  9. #9
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    واقف براك
    مدني يوسف النخلي



    واقف براك والهم عصف
    ريحا كسح زهرة صباي
    ليلا فتح شرفة وجع
    قمرا رحل فارق سماء
    مطر الحزن عاود هطل
    جدد عذاب الأرصفة
    ضئ المصابيح البعيد
    اتعب عيونك وانطفى
    لمتين مواعيدك سراب
    والريد شقى حرقة وجفا
    بعد المشاوير البقت
    ممدودة في نبض التعب

    آه نبض التعب
    تعود وتلقى رجاك زول
    حفظ الوداد زمنا صعب

    آه زمن صعب
    والباقي من ليل الهوى
    عطر الصبابة الما انسكب
    والباقي من كل الغناء
    سيل الكتابة الما نضب
    واقف براك


  10. #10
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    على بابك عبد القادر الكتيابي



    على بابك
    نهارات الصبر واقفات

    بداية الدنيا هن واقفات
    وكم ولهان وكم طائر

    بعد نتف جناحو وراك
    لملم حر ندامتوا وفات
    قطع شامة هواك من قلبوا

    إلا هواك نبت تاني
    وعلى بابك وقف تاني

    الغمائم شآكىغبن الليل
    مسافر فيها وحداني ..

    وبدون جنحين ..

    يغنيك الهناء المافي
    يغنيك رهافة حسو
    يفنى على جليد امالو

    يحلم بالشتاء الدافي
    وقدر ما يمشى في سور الزمن خطوات
    يلاقى خطى السنين واقفات على بابك
    يلاقى هواك ..

    نبت تاني وملا الساحات


  11. #11
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    قمر الزمان صلاح حاج سعيد



    كتبت ليك ...

    لا بيني بينك ريدة لا قصة غرام

    لا قصدي الهو معاك بي كلمات غناي ..

    لا شعري ليك مرجيحة من شعر الغمام

    كتبت ليك والله يا قمر الزمان

    كتبت ليك وانا جاي من زمن الشقا

    المرسوم على وش الثواني مظللة

    تمر الساعات سنين

    تتفتح الازهار جميلة ومذهلة

    مشتاق افتش نسمة في زمن العذاب

    وايامي من كتر الاسى وكتر العزوف والاغتراب

    صارت حرف مترهلة

    لحظات اسيفة ومهملة

    كتبت ليك ووقفت ليك

    لا من لقيتك جاية في قلب الطريق

    وشفت فيك راحة المشاوير البعيدة

    ولمحة النسمة الحنينة الجاية من جوف المضيق

    حسيت عجايب الدنيا اتلمت بقت ..

    جاياني من عصر سحيق ..

    عينيك حس اطفال ينادو القمرة

    للغايب يعود

    وجبينك الضواي حجا الحبوبة ..

    في الزمن السعيد

    وانا في قساوة الموحش الزمن المكهرب بالحريق ..

    وانا حيلتي ايه قولي يا قمر الزمان

    غير اتكي واحلم معاك واحضن اماسي الصحوة ..

    والامل البريق...


  12. #12
    رونق شرف vip
    تاريخ التسجيل
    28 - 4 - 2007
    المشاركات
    761
    معدل تقييم المستوى
    8

    [align=right]
    الاخ الشفيف
    مجدونى
    لك التحايا والاحترام
    لما اتحفتنا به من درر واشعار الاغانى المصطفيه
    وللراحل الرحمه والمغفره
    وللشعراء كل التحايا والمنى
    وواصل فى كتابه الادب الجميل
    وكل الود
    [/align]

    ما كان لله دام واتصل وما كان لغير الله انقطع وانفصل

  13. #13
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    اقتباس المشاركة الأصلية كتبت بواسطة خضر مشاهدة المشاركة
    [align=right]
    الاخ الشفيف
    مجدونى
    لك التحايا والاحترام
    لما اتحفتنا به من درر واشعار الاغانى المصطفيه
    وللراحل الرحمه والمغفره
    وللشعراء كل التحايا والمنى
    وواصل فى كتابه الادب الجميل
    وكل الود
    [/align]



    مشكور اخوي خضر على المرور

    وإن شاء الله اوعدك بالمتابعة باكر انشاء الكريم


  14. #14
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8

    صباح البوح..
    الشاعر مدني النخلي كتب هذه القصيدة ولم يتم الراحل مصطفى تلحينها.. ورحل قبل ان يتغنى بها:



    منو البفتح صباح البوح

    ويلملم صوتك المجروح

    على شرفة قماري تنوح

    ويغني عديله للجايات؟

    أسف لو دون مداك شايف

    شظف عيشك ولا تخمة رحيل زايف

    وقار صمت الكلام المر.. ولا وعد الغنا الهايف

    ردمت الهوة بيناتنا وفي بدء الكلام يادوب

    أنا العريت.. قواميس الكلام غنيت

    لا قبلك ولا بعدك عشق يمخر عباب الهم

    ويجاوبك بالقصيد النم

    أسائلك كيف ووين نتلم؟

    الى ما يلفظك حلمك

    يقبل فيك شقاك وينجم

    عشم فيك

    من عشم فيّ

    يمازجنا التقاء الدم

    ويادوب الطشاش حلمك

    ندهني طشاش

    اداريك من سموم تلفح

    أتاريك.. غيمه جات ترمح

    الى ما تنزحي وأنزح

    نقوم من ضو يفج المشهد الزاهي

    سكون الكون يطل باهي

    يلاقي الشارع الفارع

    ناسو الفي الحياه تصارع

    تزيد الهوه بيناتنا

    ولا عاد الرصيف ضاراي

    ولا شقشق صباح مرساك

    ونادى للفرح ناداي

    ندهتك هل

    غشاك الطل

    جفاف زهر العمر ينبل

    عذرتك لو يساورك شك

    إذا انسدت مداخل الحل

    متى انهزمت بشاراتك

    وايقاع الزمن اختل

    على لوحه شروق الفال

    يزف وردك صباح الطل

    على شرفة قماري تنوح

    تغني عديله للجايات


  15. #15
    رونق ذهبي الصورة الرمزية مجدوني
    تاريخ التسجيل
    3 - 12 - 2007
    المشاركات
    1,851
    معدل تقييم المستوى
    8


صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. بعض اغاني مصطفي سيد احمد
    بواسطة شنداوي في المنتدى رونق مصطفى سيد أحمد
    مشاركات: 4
    آخر مشاركة: 4 - 7 - 2009, 9:52 AM
  2. اغاني مسجلة للعملاق مصطفي سيد احمد
    بواسطة محمد ميرغني في المنتدى رونق مصطفى سيد أحمد
    مشاركات: 3
    آخر مشاركة: 19 - 8 - 2007, 12:21 AM
  3. أغاني مصطفي سيد احمد مكتوبة
    بواسطة محمد ميرغني في المنتدى رونق مصطفى سيد أحمد
    مشاركات: 4
    آخر مشاركة: 19 - 7 - 2007, 10:33 AM
  4. أغاني مكتوبة منوعة
    بواسطة محمد ميرغني في المنتدى رونق أغاني الحقيبة
    مشاركات: 0
    آخر مشاركة: 3 - 6 - 2007, 6:38 PM
  5. لمحبي اغاني الشوايقة
    بواسطة محمد ميرغني في المنتدى رونق أغاني الشايقية
    مشاركات: 1
    آخر مشاركة: 23 - 5 - 2007, 5:13 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Bookmark and Share

Google