آخر المشاركات


مجموعة اغاني من درر الحقيبة

مجموعة اغاني من درر الحقيبة


النتائج 1 إلى 8 من 8

الموضوع: مجموعة اغاني من درر الحقيبة

  1. #1
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    مجموعة اغاني من درر الحقيبة

    سيد عبد العزيز - من حور الجنان

    من حور الجنان أم أنت إنسان الكمال
    هل أنت الملاك جيت تورى الناس الجمال

    سبحان من نشاك حسنه وفى غاية الكمال
    يهواك الجنوب وإليك ينقاد الشمال
    وما أظن يحصوا حسنك لو يحصوا عدد الرمال
    بى إيه يقدروك يا ملك ملوك عصر الجمال

    سلطان بهجتك محروس بجيوش الجلال
    ويغار من صفا حسنك صفا ماء الزلال
    فى مراية خدودك أشوف تأكيد سحر الحلال
    وأشوف فى سما حسنك كل يوم يسطع هلال

    صفا ماء الجمال فى مجال جمالك راق وجال
    زى ماء الحياء فى عيون ربات الحجال
    ما فعل السلاح تفعل عيناك النجال
    مكسور الطريف كسر قلوب الرجال

    يا خلاصة المعانى الصار معناك موضع مثال
    فوق المحسنات حايز لطف وكرم خصال
    آلهة الجمال اعترفوا ليك ما ليك مثال
    وتتمنى البدور تقبيل يداك بى امتثال

    يا طايل الوريد يا أهيف يا اللى خصمه زال
    فيك منظر يحنن وفيك منظر فارس النزال
    ليك من الغزالة جبين وقاد وعيون غزال
    الحور من مناصبها لى قدرك تكتب نزال

    يا الغصن الرطيب عاجبنى فيك الإنهدال
    اللادن قوامك من ملبن وذو اعتدال
    جوهر حسنك الصافى وسيرك طاهرات عدال
    آيات بينات ما فيهن للكافر جدال

    شاركت الغمام والموج مناظر وارتحال
    شاركت الظباء فى نفرتن والإكتحال
    شاركت القلوب فى موضعن وعلى كل حال
    نفداك بالنفوس وفداء النفوس كان المحال


    محمد ود الرضي

    أنا في التمني ديمه هديلي ساجع
    ما لقيت لي مغيث ولا لقيت لي مراجع

    داير أشوف حبيبي اليوم داك شفته رايق ودمعه ناقع
    أسود شعره حالك أما صفاره فاقع
    تتلاصف خدوده لا حجاب ولا براقع
    أشوف لعسو ونواعسو جل الباري صانع
    أشوف في خده شخصي وفي صدري المضارع

    يفرخيت بسمه برقاً ليله هاجع
    يرفع لي رشاشه يسبل نظره واقع
    داير أشوف غافل وداير أشوف جاذع
    يتغطى بي سوعده ومحنو كان واجع
    يردد لي نغيماً تشتاق لي المسامع

    أعاين فيه وأضحك وأجري وأجيه راجع
    متلاعب ليس إلا ما موضوع مطامع
    أقيس بالليل شعره ألقى الفرق شاسع
    دي ما بيلقاها زول زي صيده ناجع



    فريع البانة المن نسمة
    يتمايل حاكى المنقسمة

    نار قلبي بتوقد من وسمة
    تلمع في خديدها وتفِر بسمة
    الفم الزي خاتم نص قسمة
    يا الماك داريابي والغي قسمة

    نص وسطك خاتم بي زنده
    وصديرك قائد والديس جنده
    كفيلك قلع من عنده
    و أكتافك فوقو يا روحي بسنده

    حبوب الفاطر درية
    وجهك يتلألأ من دون ريه
    الجبهة تلاصف بدرية
    والحالة البي ماها مدرية

    الجيد الوافر كالجامة
    فاقت أعرابها وأعجامها
    المهرة العاصية في لجامها
    لقلوبنا لحاظك يا روحي رجامة

    زبرجد لونك ما ضرّّ
    ولع نار قلبي وأخضر
    أنا قلبي فدايتك ما ضرّّ
    لو كان يدقدق يا روحي ويضرّ

    يا ريلة بزازك ما نوعها
    من خز أو عسجد مصنوعة
    قادت لي أعطافها المرنوعة
    دي ثماري ولكن يا روحي ممنوعة

    أسمعنى نشيدك .... ورينى كمان فى الفن تجديدك

    يا حمام الدوح

    أسالنى أفيدك ... عن حالى البى وأحسبنى شهيدك

    ولهى ما بفيدك ....أبقالى رسول أو خذنى فى أيدك

    أترك تهديدك ....أسمعنى درر وواظب ترديدك

    وين القى نديدك ...يا جالى الهم زيد شجوى وأزيدك

    عقب تغريدك ...يا ساجع الدوح خلينى أريدك

    وأًل ليه بريدك ....وألأبس روحى يا حمام فى وريدك

    لا تخش هجيرك ...سافر يا حمام مولاك يجيرك

    سارع فى سيرك ...لو لى جناح أنا كنت وزيرك

    رحماك فى صعيدك ....أندب حظى وأدنى لى بعيدك

    يوم عيدى وعيدك ...يوم الأيام لديارى تعيدك



    يا أنة المجروح

    يا أنة المجروح يا روح حياتك روح
    الحب فيك يا جميل معني الجمال مشروح

    الحب زناد في الجوف زي الزناد مقدوح
    منه الجبارة تلين زي صوت بلابل الدوح
    وتصاحبه النسمات تفضل معاها تدوح

    من نعمة الأشواق ومحاسن الممدوح
    مصرية في السودان بي حبي ليه أبوح
    يا عنب جنائن النيل أتمنى حسنه صبوح

    وأنشد فؤاد الدار بين الرياض مذبوح
    وأرى الهلال في ظلال تلك الخميلة يلوح
    الناس تحب رؤياك بي الخاطر المطروح

    يا ملفت الأنظار يا بسمة المفروح
    وأنا أهدي ليك الحب حب من فؤاد مجروح
    حب الشحيح للمال وحب الجبان للروح

    أنا لو ضمنت رضاك أكون سعيد ممنوح
    يا من تسر رؤياك تفرح تنسي النوح
    تكسي النهار بجمال خديك جمال ووضوح

    منه الغزاله تقيف في موقف المفضوح
    من الوله لي لقاك دمعي الغزير مقروح
    ناقم على الأيام مع اني طبعي صفوح

    أنا والخيال في جدال وانت بنداك بتفوح
    كل ما النسيم يغشاك زي الحديقة تفوح
    ناير كحيل نعسان إنسان رقيق وجموح

    ساحر العيون بجمال في سواك ما ملجوح
    ان تميس بنميس وان كان تموح بنموح
    عدل الطبيعة جعل جور الحبيب مسموح


    يا أنة المجروح

    يا أنة المجروح يا روح حياتك روح
    الحب فيك يا جميل معني الجمال مشروح

    الحب زناد في الجوف زي الزناد مقدوح
    منه الجبارة تلين زي صوت بلابل الدوح
    وتصاحبه النسمات تفضل معاها تدوح

    من نعمة الأشواق ومحاسن الممدوح
    مصرية في السودان بي حبي ليه أبوح
    يا عنب جنائن النيل أتمنى حسنه صبوح

    وأنشد فؤاد الدار بين الرياض مذبوح
    وأرى الهلال في ظلال تلك الخميلة يلوح
    الناس تحب رؤياك بي الخاطر المطروح

    يا ملفت الأنظار يا بسمة المفروح
    وأنا أهدي ليك الحب حب من فؤاد مجروح
    حب الشحيح للمال وحب الجبان للروح

    أنا لو ضمنت رضاك أكون سعيد ممنوح
    يا من تسر رؤياك تفرح تنسي النوح
    تكسي النهار بجمال خديك جمال ووضوح

    منه الغزاله تقيف في موقف المفضوح
    من الوله لي لقاك دمعي الغزير مقروح
    ناقم على الأيام مع اني طبعي صفوح

    أنا والخيال في جدال وانت بنداك بتفوح
    كل ما النسيم يغشاك زي الحديقة تفوح
    ناير كحيل نعسان إنسان رقيق وجموح

    ساحر العيون بجمال في سواك ما ملجوح
    ان تميس بنميس وان كان تموح بنموح
    عدل الطبيعة جعل جور الحبيب مسموح


    عقلي إنشغل بهواك

    مصطفى بطران
    عقلي إنشغل بهواك والحكمة عيني
    لاجه ومجافيه النوم يا أربعيني

    هاك بعض حالي البي روقي اسمعيني
    شاكي الغرام ما لقيت لي من معيني
    لو كان كلام في الطيف مره أسمعيني
    وخليني أصلى النار في هواك دعيني

    فوق اللي جاري على لا تجرديني
    ثوب الغرام ودوام عنه اشدني
    طائع مريد لقساك باهل بديني
    ما اخترت غايته سواك وحتى ديني

    مهما يلاقي عذاب قلبي السجيني
    مهما يريد ويفيض همي البجيني
    لو كان يزورني الطيف مره ويجيني
    تلبس السود ثوباً لجيني

    من يوم رماني لحظه السنيني
    محّق على نومي ومحّق سنيني
    أصبحت كل صباح يزداد أنيني
    كالبلبل المغرود ياما حنيني




    ما بخاف من شىء برضى خابر
    المقدر لابد يكون
    ان أتانى الهم جيشة دافر
    يلقى يا خلاى صبرى وافر
    يلقى عزمى التام ليه خافر
    ويلقى قلبي شجاع ماجبون
    بالعداء معروف ما ببادر
    وما بخون الجار مانى غادر
    وما بقول للناس مثلى نادر
    بل بقول للخالق شئون
    ما عصيت مولاى مانى فاجر
    لا ولا بالعالم بتاجر
    نفسى يا أحباب ليها زاجر
    لم أكن كل يوم لى لون
    الثبات معروف لى معاصر
    لو بقيت فى داخل معاصر
    والإله غير شك لى ناصر
    رغم أنف الواشى الخؤون
    قول لشاهد الزور فيم ساير
    هدى روعك قبل الخسائر
    يا ما قبلك عميت بصاير
    من لسانى وقولى الهتون
    قول لأهل الجور والمساخر
    مافى أول ماليه آخر
    ما بدوم الظل والحصون
    عن سبيل الحق مانى نافر
    وما ضمرت السوء مانى حافر
    للصديق هاويات السجون


    تيهي فوق العز
    الشاعر محمد ود الرضي

    ليلى ليلى ليلك سدل ليك عليل الصبا إعتدل
    النجم بي بهاك ليلى دل والفهيم بالآيه استدل

    فيك كل الخير انبهل والعفاف المزجو الجهل
    بس السرور كل وجه استهل والجميع لله ابتهل

    ليلى قدرك ماانجهل ليلى سعدك هدا شهرو هل
    بالطرب كل عقل انذهل المهل ياليلى المهل

    المبطر مال واعتدل والمرجرج فاضل بدل
    جوري تيهاً جورك عدل انا لا اروم عن جورك بدل

    المدلل مهما فعل والجبين النافي الزعل
    الخدود النورن شعل ياسعادة الام والبعل

    ماح رتل فوق هيبه ونفل خر بدرو وطمح الكفل
    بي المنير التام ماافل استقل ورفد الحفل

    هل اتانا قول والوحل والوطيب الحبسو الكحل
    الركيب الغيم الرحل الخريف الخصب المحل


  2. #2
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    ما بنسي ليلة كنا تايهين في سمر
    محمد البشير عتيق
    ما بنسي ليلة كنا تايهين في سمر بين الزهور
    انا وانت والنيل والقمر

    وين يا جميل يوم كنا تايهين في سمر
    من انسنا اتمتعنا بي جني الثمر
    كم قلبي بالانفاس لانفاسك غمر
    الجو سكر من ريك اتعطر خمر


    ما بنسي ليلة كنا في شاطي النهر
    نتعاطي خمر الحب بكاسات الزهر
    والبدر مزق ظلمته و سفر ازدهر
    في النيل سطع بي نوره واتقطع بهر


    الليل هدا والجو صفا وغاب الاتر
    النسيم بجيب من توتي اصوات المتر
    اتا يا جميل بي صوت ضميرك المستتر
    من شعري كم اسمعتك الحان عن وتر


    شفت النجوم تنظرنا بي نظرة شذر
    لما القمر في افقه بغيابه اعتذر
    صافين عفاف ياحبيبي خالين من غذر
    في هوانا لا واشي ولا مراقب حذر


    انا بي غرامك ياحبيب دمعي انفجر
    وانا بي غناك ايقظت سكان الشجر
    قبال اراك انا كنت في حيرة و ضجر
    اليوم حظيت بلقاك يا ظبي الحجر



    خمرة هواك يامي صافية وجلية
    هي اللاَّعبة بالألباب ما البابلية

    كم ليل أنوح سهران والناس خلية
    عيني سهاد ودموع أمست ملية
    شهدي إضطراب ونحول ظاهر عليَّا
    راضي وبشفوف هجرك أكبر بلية

    أنا لم أزل لهفان وإنت الأسية
    سبتيني أم تحي ودائما خليَّة
    لو في النساء رسلاً كنتي النبية
    ما بسلى ريدك لا وحيات أبيَّا

    هاك مني بي الإخلاص وبحسن نيَّة
    درراً تنافس الدر وازهار نديَّة
    هلمي روحي ليك يامي هدية
    كان النبي المعصوم قبل الهدية

    ليك مني الف سلام والفي تحيَّة
    تغشاك مع النسام وبروح شجيَّة
    ما قال محب وعلى محبوبو حيَّا
    وتغر
    تسلم يا حبيب ..
    وهاك دي من كلمات خليل فرح ..
    وغناء عبدالعزيز محمد داؤد ..

    يا ليل صباحك مالو أحبابك جفوني ومالو
    لا يفرز يمين من شمالو
    ما دام الحبايب مالو
    بدرك ما بشيقني كمالو

    يا ليل طول وسيبو في حالو
    ما بزحزح إنتحالو
    باليل والنهار بوصالو

    يا حاسد سعي ونمالو
    لكن قلبي ما اهتمالو
    ما يحقد وديع في جمالو
    ضاحك كالزهر في رمالو

    زاد تيه ودلاله وحالو
    بلفي قلبي مين او حالو
    سيب الواقع ارضى محالو
    لابد العيون تصحالو



    في رونق الصبح البديع
    قوم يا حمام اسمعني الحان الربيع

    قوم يا حمام حي الغمام
    انا لي فيك شوق واهتمام
    اسمعني من شدوك صدى
    اهو ده الربيع ناظر بدا
    ومن الرياض اوكت يدا
    وشاها بي قطر الندى

    في رونق الصبح البديع
    صحت الورود في كل روض
    وتبسم الزهر البديع الوديع


    اهي الطبيعة الكون تحلى بناظره
    للعالمين سفرك باحلى مظاهره
    من روضه تغري لناظره أطياره عاشقة زائرة

    هي والنسيم في مناظرة ترسل حقائق وجوهره
    هي حكمة بل هي اية من صنع البديع

    انا يا حمام
    حي الغمام
    اسمعني
    اسمعني

    اسمعني عن تصويرو كيف
    هو غاية في جنس اللطيف

    وبالاختصار هوحسنو صار فوق الجميع

    مداعب الغصن الرطيب

    فى بنانك ازدهت الزهور
    زادت جمال ونضار وطيب
    يا مداعب الغصن الرطيب

    يا المنظرك للعين يطيب
    تبدل الظلمات بنور
    وتبدل الأحزان سرور
    إن شافك المرضان يطيب
    زادت جمال ونضار وطيب
    يا مداعب الغصن الرطيب

    تعجبنى والشىء العجيب
    هادىء وأليف ماك النفور
    بى عفتك صنت السفور
    والحسن والأصل النجيب
    زادت جمال ونضار وطيب
    يا مداعب الغصن الرطيب



    أنا وإنت فى الروض يا حبيب
    راق النسيم وحلى لى المرور
    بقى أحلى من ساعة السرور
    وأدق من فهم اللبيب
    زادت جمال ونضار وطيب
    يا مداعب الغصن الرطيب

    والروضة فى موقع خصيب
    حضنوها واتلاقوا النهور
    ترى فيها أنواع الزهور
    من كل لون أخدت نصيب
    زادت جمال ونضار وطيب
    يا مداعب الغصن الرطيب

    يانع ثمارها ونص طيب
    أشبه بربات الخدور
    الأنبرجن فى يوم حبور
    زادت جمال ونضار وطيب
    يا مداعب الغصن الرطيب

    فى الروضة غنى العندليب
    ورددوا غناه الطيور
    ترتيل أناشيد الحبور
    وفتيانها يوم عيد الصليب
    زادت جمال ونضار وطيب
    يا مداعب الغصن الرطيب

    دنت الثريا بقت قريب
    بين السلوك فى تانى دور
    فى ثانية كم سطعت بدور
    وأهلة كان نوعن غريب
    زادت جمال ونضار وطيب
    يا مداعب الغصن الرطيب

    شىء ينعش الروح فى الأديب
    ويحيى روح ميت الشعور
    للقاه ترتاح الصدور
    ويفرح القلب الكئيب
    زادت جمال ونضار وطيب
    يا مداعب الغصن الرطيب


    اريدا براها ترتاح روحي كل مااطراها ست البيت


    قالت جارتا مجاوراها تجي شايله وتجي مزاوراها
    تلحظ احتياجنا براها نشكر سعيها بي وراها
    ست البيت
    ربنا بالجمال كافاها لامن قال قواما كفاها
    المسروره مي تافاها ياحلاة الكلام الكلام في فاها
    ست البيت
    راقيه سكوته من ميلادا مو سكاتاً تنوبوبلاده
    نضيفه ومنظمين اولادا برضها عندي حلوه جلاده
    ست البيت
    تتلاصف سرور وجناتا الرافيه الكتار حسناتا
    طيبة عشره مي غلاتا ماسابت الشباب لي بناتا
    ست البيت
    مابتحسب علي كليا تكرم كل منسوب لي
    اطوع من بناني الي واشفق من جنايا علي
    ست البيت
    ماقالت بقيت حبوبه وتركت بوختا المحبوبه
    لوجات من رياحا هبوبه بتحيي عروقك المهبوبه
    ست البيت
    من صابحتها وماسيتا طاعمه وناعمه لومسيتا
    ماقاستني ماقاسيتاوتشكر فضلي كل ماكسيتا
    ست البيت
    مي العزايه دايماًساقده ومي الغبشه المفبره حاده
    مي اللهفانه بي ورا الماده دي اللي شبابا ديمه موادا
    ست البيت
    فاضي البال حليللا جنابو مااتغضبن لمس اشنابو
    ولايوم سوء تفاهم نابو دي الامثالا نتغنابو
    ست البيت
    لو كان يوم حبيب واصلي الكرم العريض يوصلي
    منها قط خلاف ماحصلي بس ازعاجا لي قوم صلي
    ست البيت
    ليه ماشكرا مطاوعاني وحافظه لمتعتي وحافظاني
    حاويه من الانوثه معاني ومها ابقى مر بالعان



    الجداول تجري فوق خدودك دُر
    والرشيمات بقّت بي أشعة خُدر
    يعمي عيني قبلك ما نظرت بدُر
    فوقو ليلاً حالك يعلو غصناً ماح

    كل معصم جدلة والكفيفات غوف
    والكتيف الهادل بالكفل مشغوف
    نايمة او كان صاحية حال جلوس و وقوف
    فيهو لاحم ديمة ومنو مالو براح

    إختصر أفكاري خصرك المعقود
    ما بيمس بي كفة لا قميص لا عقود
    جالبو ردفاً جايل حلمو ليه مفقود
    عذرو وااضح صدرك مالبو جوز تفاح

    القوام متوازن لا قُصر لا طول
    والخديد أفعالو تصرفات مسطول
    ما هو خاتي دا ساند ضهرو فى الأسطول
    والعيون حراسن فوق جفونو صفاح

    إنتي روحي وراحي ليك ظمآن غاب
    ما بصرح بإسمك ما بجيب ألقاب
    إنتي ديسك خدرك ماكي صيدة غاب
    من فوارس حييك ليكي غابة رماح

    خلي أمعن شوفا قول لي إيه النور
    هل رأيت لك صيدة أم دا جام بلور
    جلّ من أنشاها وصاغا شُعلة نور
    هل دا جيد وقلادة أم نجوم وصباح


  3. #3
    رئيس مجلس الإدارة الصورة الرمزية الشريف خالد مصطفى الفزازى
    تاريخ التسجيل
    26 - 4 - 2007
    الدولة
    دولة قطر - UAE
    المشاركات
    9,574
    معدل تقييم المستوى
    10

    Smile


    [align=center]ياللروعة ... واصل هطولك ..

    أتيت .. أرى .. فوجدت ما أعجزنى .. عن الكلام ...

    كنت هنا ..

    أيها الرائع محمد ميرغنى ..
    ولكم كل الود .. وكثير السلام

    أخوكم أبداً

    خالد فزازى[/align]


    ومن تكن برسول الله نصرته إن تلقه الأسْد في آجامها تجمِ


    من يعتصم بك يا خير الورى شرفا الله حافظه من كل منتقمِ

  4. #4
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    لك شكري وحبي يا الغالي علينا
    خالد فزازي

    ليك سلامي بعد تحنيني
    عليك وليالي سنيني
    وعد شوقي وحنيني
    وعد شعري وتفنيني
    يغشاك مرفوق مع النسام ورحي حيالو


  5. #5
    مشرف رونق الشعر العربي والروايات
    تاريخ التسجيل
    14 - 5 - 2007
    الدولة
    سوداني / مقيم بقطر
    المشاركات
    136
    معدل تقييم المستوى
    7

    الحقيبه كلها درر -- لكن انه المجروح -- صعبه تب -- اخي محمد احي فيك الاختيار الرائع لاغاني هي فعلا درر وستظل درر--- واسمعنا اكثر ومنتظرين ومتابعين بشغف


  6. #6
    مشرف رونق الشدو الحالم واللحن الطروب الصورة الرمزية siddig
    تاريخ التسجيل
    15 - 5 - 2007
    المشاركات
    273
    معدل تقييم المستوى
    7

    البوست راقى مثل صاحبه ومن وضع بصمة

    ولهذا اقدم الهدايا

    من كلمات العبادى
    ياعازة الفراق بي طال


    ياعازة الفراق بي طال وسال سيل الدمع هطال

    طريت برق الفويطر الشال وساح دمعي البكب وشال

    كمل صبري ومنامي انشال لبس من ناري عمه وشال

    ارض امالي في امحال ومن الهم بقيت في اوحال

    وبعدك عزه ساء الحال منامي وصبري اضحي محال

    حليل الناسا وناس طريت ام در حليل ناسا

    وكيف انساها واتناسا ومفتون بي ظبي ناسا

    ولع جوفي جمري الحي وما بتطفيه

    فيا زينة ربوع الحي لي دياركم يعود الحي

    ياعازة الفراق بي طال


  7. #7
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    مشكورين الاخوان علي الكلامات الانيقه


  8. #8
    الرونق الصورة الرمزية بكري البكري
    تاريخ التسجيل
    9 - 4 - 2007
    الدولة
    غرفة نومي في شقتي
    المشاركات
    12,727
    معدل تقييم المستوى
    10

    كنوز الحقيبة

    أغية واحدة من أغاني الحقيبة تساوي كل أغاني الشباب الحالي

    يسلم الذوق وحسن الإختيار

    شكراً مشرفنا محمد ميرغني

    وشكراً مشرفنا صديق للإضافة

    قراءة بصمتٍ .. عشق تعدى حدود الواقع
    مثل الغزال نظرةً ولفتةً ... من ذا رآه مُقبلاً ولا افتَتَن
    أعذب خلقِ الله ثغراً وفماً ... إن لم يكنْ أحقَّ بالحُسْنِ فَمَنْ
    في ثغره وخدّه وصدغه ... الماءُ والخضرة والوجه الحَسَنْ
    بُليتُ به فقيهاً ذا جدال ... يجادل بالدليل وبالدلال
    طلبت وصاله والوصل حلو ... فقالَ: نهى النَّبيّ عن الوصال
    يا ملوكَ الجمال نحن أُسارى ... في هواكم وقد عدمنا الفداءَ
    فارحمونا فإنَّما يرحم الله ...... تعالى من خلقه الرحماءَ

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مجموعة اغاني للفنان ابوعركي البخيت
    بواسطة شنداوي في المنتدى رونق أبو عركي البخيت
    مشاركات: 7
    آخر مشاركة: 10 - 5 - 2010, 2:03 PM
  2. مجموعة اغاني للراحل احمد الجابري
    بواسطة شنداوي في المنتدى رونق أحمد الجابري
    مشاركات: 1
    آخر مشاركة: 4 - 7 - 2009, 9:48 AM
  3. مجموعة اغاني لمصطفي سيد احمد
    بواسطة كوستاوي في المنتدى رونق مصطفى سيد أحمد
    مشاركات: 6
    آخر مشاركة: 23 - 8 - 2007, 12:43 AM
  4. رونق العيون فى اغانى الحقيبة !!!!
    بواسطة siddig في المنتدى رونق أغاني الحقيبة
    مشاركات: 14
    آخر مشاركة: 25 - 6 - 2007, 12:40 PM
  5. مجموعة اخري من روائع الحقيبة
    بواسطة محمد ميرغني في المنتدى رونق أغاني الحقيبة
    مشاركات: 2
    آخر مشاركة: 17 - 6 - 2007, 5:59 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Bookmark and Share

Google