آخر المشاركات


أغاني مصطفي سيد احمد مكتوبة

أغاني مصطفي سيد احمد مكتوبة


النتائج 1 إلى 5 من 5

الموضوع: أغاني مصطفي سيد احمد مكتوبة

  1. #1
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    أغاني مصطفي سيد احمد مكتوبة

    يا ضلنا للشاعر يحيى فضل الله


    يا ضلنا
    يا ضلنا المرسوم على رمل المسافة

    وشاكى من طول الطريق

    قول للبنيّة الخايفة من نار الحروف

    تحرق بويتات الفريق

    قول ليها ما تتخوفى

    دى النسمة بتجيب الأمل

    والأمل بيصبح رفيق

    والأصلو فى الجوف إندفن

    لا بتنسى .. لا بنمّحى

    لا بنتهى منو الحريق

    ********

    والفينا من آهات أليمة

    فى حكاوينا القديمة

    لا بيرحل عن عيونّا

    ولا بتغشاهو الهزيمة

    والقبيل راجِنو نحن

    يوم تبشِّر بيهو غيمة

    لما تمطر يوم علينا

    الفرح يملا المدينة

    والبلودات الحزينة





    أبداكي من وين ...... الشاعر / أزهري محمد علي

    أبداكى من وين .. وفينى منك لسة حاجات

    من مخاوف ومن شجن

    أبداكى من وين .. وظنى إنك

    فكرة إعلان الحياة

    وإنتهاءات العوارض والمحن

    نفسى ألقاكى وأكون

    أنا كلى من بعضك

    أو .. بعضى من كلك بدن

    وداير أبقاكى وأوحد دورة الدم

    المقسمة بينى .. بينك .. والسحن

    ..........

    أبداكى منى .. ولاّ منِّك

    أبتديكى محل .. محل

    من ياتو منفذ أدخلك

    وكل المنافذ فيكى سدّاها النحل

    من ياتو شارع أوصلك

    وكل الدروب معطونة لى آخر الوحل

    .. أستبيح كل الحواجز .. وأدخلك

    من كلامك بدخلك

    من بين مسامك بدخلك

    من أى قاسم مشترك

    وشبهة تشابه .. ادخلك

    ونتلاقى نهرين من تسامى .. وإشتها

    وأبداكى من حيث أنتهت عندك خواتم الإنتها

    أبداكى .. وأخلع خيام عمرى المضى

    وألقاكى مبسوطة اليدين

    مفتوحة أبواب الرضا

    أبداكى من لحظة أنستِكْ نار

    وأخدت من قبسك .. هُدى

    وأنا ضُمّة زاهد

    فى الدروب الما بتجيك

    .. ولا بترجِّع ليا من تالاك صدى

    أبداكى من وين ؟ ..




    وضاحة .... الشاعر أزهري محمد علي

    الصباح الباهى لونك

    وضاحة يا فجر المشارق ....

    غابة الأبنوس عيونك

    يابنيّة من خبز الفنادق

    ***********

    شيدتى فى جوّاى صوامع لى الفرح

    وفتحتى فى دنياى .. مسارح لى المرح

    وبقيتى لى سكة وعيون

    لا قدرت أطولك شان أجيك

    ولا قدرت من غيرك أكون

    وأنا بيكى مالينى الكلام

    ... حرّكت بيك عصب السكون

    جلبت ليك الغيم .. رحط

    طرّزت ليك النيل .. زفاف

    حرقت ليك الشوق بخور ...

    وفرشت ليك الريد .. لحاف

    **********

    لا السكة بيكى بتنتهى

    ولا معاك ملّيت طواف

    ياريتنى لو أقدر أطولك

    وضّاحة يا فجر المشارق ....

    وضاحة

    الصباح الباهى لونك

    وضاحة يا فجر المشارق ....

    غابة الأبنوس عيونك

    يابنيّة من خبز الفنادق

    ***********

    شيدتى فى جوّاى صوامع لى الفرح

    وفتحتى فى دنياى .. مسارح لى المرح

    وبقيتى لى سكة وعيون

    لا قدرت أطولك شان أجيك

    ولا قدرت من غيرك أكون

    وأنا بيكى مالينى الكلام

    ... حرّكت بيك عصب السكون

    جلبت ليك الغيم .. رحط

    طرّزت ليك النيل .. زفاف

    حرقت ليك الشوق بخور ...

    وفرشت ليك الريد .. لحاف






    الشجن الأليم

    كلمات الشاعر صلاح حاج سعيد

    عارفني منك
    لا الزمن يقدر يحول قلبي عنك
    لا المسافة ولا الخيال يشغلني منك
    وتحرمني منك
    والمواعيد لا بتجيب منك تودي
    لا الزمن قادر يشيلني عليك أعدي
    لا التحايا ولا المشاعر الحية في جوه الحنايا
    لا رسالة تجيني منك .... لا خبر طمني عنك
    وأنت سايق فيني ظنك
    رغم انك إنت عارف انو منك
    لا الزمن يقدر يحول قلبي عنك
    لا المسافة ولا الخيال يشغلني منك
    وأبقى بعدك في الأسى
    وتبقى أنت الظالم القاسي النسى
    وغصب عني أزيح ظنوني
    وأقول عليك أنت المسامح
    وفوق شجوني
    أعيش زمان بالفرقة جارح
    وفي احتمالي وبالي منك
    أنت سايق فيني ظنك
    رغم انك إنت عارف انو منك
    لا الزمن يقدر يحول قلبي عنك
    لا المسافة ولا الخيال يشغلني منك
    يا هوى الألم النعيم
    خليك على الوعد القديم
    وخليني في الشجن الأليم
    وأبقى في كل المداين ..
    سكتي وسفري الجحيم
    تبقى إيه الدنيا من بعدك تكون
    وأبقى إيه بعدك أكون
    ما في احتمالي وبالي إنك
    أنت سايق فيني ظنك
    رغم انك إنت عارف انو منك
    لا الزمن يقدر يحول قلبي عنك
    لا المسافة ولا الخيال
    يشغلني منك
    عارفني منك





    وجيدة

    كلمات: قريب الله محمد عبدالله

    بعيد عني ...
    خطاك ما لامست وجه الطريق ..
    ومشيتي ...ومشيتي ...
    لا فوق غيمة ..
    لا ظني
    بعيد عني
    كأنك من وراء صفحة زجاج .. مبلول
    وراك الريح ..وقدامك ..
    مدى السكة ..
    وندا المجهول
    أنادي ليك ..وأنادي ليك ..
    وجيدة .. وجيدة
    لا التفتي ..
    لا لوحتي .. بي إيديك
    أنادي ليك ..
    يجاوبني .. المدى الفاتح مدارج الهم
    بتبقى وجيدة طعنة سيف
    موسدة في شق السما المرسوم
    وسادة هم
    وتبقى ايدينا في ايديك
    وفي شعرك
    وفي المنديل
    وفي ايديك بعيد عني




    هردت لهاتي

    كلمات: محمد الحسن سالم حميد

    سِني على النِضال ايدي سَوكِّي بالهُتاف فَمِّي ...
    شوارعك لي، دويها عليّ اذا ما آخر العلاج الكيّ
    مراويدك حُمُر يا أمي مراويدك حمر حمي
    هردت لهاتي بالغنوات وقلت يبرد حشاك يا أمي
    من التعب البلا صالح تقيفي تروقي تتجمي
    تسوي مكانسك المطرة تضوي البيت وتنحمي
    تمرقي صَبُوحة للجيران قدح فوق إيد وفي إيد ألمي
    يلاقوك شُفَّع الكُتّاب نُضَاف وظراف بلا النسمي
    يغنو لك غناوي الساب، وفي بيوضة ما في سراب
    جبال كَجَمي وفيافي الكاب تميد بالخضرة منقسمي
    فيافي الطي وبيوضة المراكيب فيها مفروضة
    خدارها يراري شوف عيني على الأبواب
    طواريها وقماريها وحواريها بقت روضة
    بقت تشرب من الحامداب تشوفي رهاب بعد نجمي
    وأشوفو قريب قُرب نضمِي
    أشوف العالم التحتاني هيلا .. هوب وقف ناهض
    هدَّ عوارض الفوقاني .. جوه الجُب رمى العارض
    وفي السابو الدمار أفراق
    عريق الحب نبض قابض
    متل قبض الحروف في اسمي
    وغناوينا القبيل رقراق علينا تصب برد قارص
    وأجُر نمي
    أدوبي لهاتي بالغنوات عُقُب يبرد حشاك يمي
    وطني ولا ملي بطني ... سُكاتي ولا الكلام الني
    بليلتي ولا ضبائح طي .. قَليلتي ولا كتر سِمي
    سلام يمي .. سلام يمي ..
    سلام لا هكمي لا دكمي
    سلام يا أمي .. سلام يا أمي ..





    السمحة قالوا مرحلة

    كلمات: المقبول سيد أحمد المقبول

    بعدك الفريق أصبح خلا
    والسمحة قالوا مرحلة
    جاني الخبر جاني البلا
    والسمحة قالوا مرحلة
    قول يا لسان في الراحلة
    صوغ المعاني وجملا
    نافر وما عارف العلي
    حالي العلي حال الخلا
    يا عيني جافيني المنام
    وخدودي دمعك بللا
    ويد بعدك ألقى عطوف
    يلم أفكاري بعد البهدلا
    روح يا نسيم روح قابلا
    تلقاها نايمة وغافلة
    داعب لخصلات شعرها
    والثم ضفايرا مسدلة
    وأرفع كتيفا الهادلا
    وكلل خدودا وقبلا
    وقول ليها من بعدك خلاص
    شفنا الفريق أصبح خلا
    يا ربي لحظات الوداع
    أمثالي كيف يتحملا
    الليلة بوصيك بالحبيب
    عندك أمانة تحملا
    وتديم على الخير والهنا
    وكل يوم تضاعفلوا الحلا
    قلبي الحنين من قام صغير
    طول عمرو لا جفا لا سلا


  2. #2
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    تعالي نعلم الشفع

    كلمات: يحي فضل الله
    بعض الاغاني صرخة لا تطرب
    فإذا استفزتكم اغاني فاغضبوا
    يا منشئين على الخرائب منزلي
    تحت الخرائب وقدة تتفلب
    ان كان جذعي للفنوس ضحية
    جزري الأهم في الثرى يتأهب
    حبالنا الجوه ما تخنت
    حبال السما الممدود
    حبال الصوت وكت يرجع
    يجيب الخاطر المردود
    تعالي نشوف .. غنيواتنا البقت في الدنيا ما بتشوف
    تعالي نشوف .. حروف البكا الجواها ما في حروف
    تعالي نشوف تعالي نطوف
    على المدن البقت أشباح
    على الجوع القعد مرتاح
    على الكلمة البقت في الجوف
    تفتش سكة الأفراح
    تعالي نشوف .. منو البقدر ..
    يخاصم طفلة صبحت هازلة
    فوق مد الأسى الحرَّاق
    ويا غنوتنا ما تفوتي .... ويا كلمتنا ما تموتي
    وفتشي فوق ضمير الكلمة
    عن وتراً رحل فراق .... وعن بلداً رحل فراق
    وعن ولداً رحل فراق ..... وعن علماً رحل فراق
    غنانا الفينا ما يشفع
    حديثنا الجوة ما بينفع
    تعالي نشوف ... تعالي نطوف
    تعالي نعلم الشفع






    الزمن الفلاني

    كلمات: نجاة عثمان

    لمن يجي الزمن الفلاني
    سمانا بتقطر مطر
    دري وتمازج
    برتكاني
    نسطر اسمك يا حبيبنا
    في رموش غيم ارجواني
    ندمن الضحك المعافى
    نحيا في الفرح المورد
    ياسميني واقحواني
    يا حبيبنا
    جوا عينيك عايشة ناس
    بتسجل الايام أغاني
    والطريق ماببقى ساهل
    ليك بالمعنى المكاني
    لما يتحقق زماني
    بمسح الحزن المعشعش
    في عيونك أسمراني
    يا حبيبنا
    بتحيا في حلم الترابله
    وفي العلاقات المعاني
    في البقاسي شقى المسافة
    وعايشة في داخله وبيعاني
    لما يتحقق زماني
    بشرق الفجر الحقيقة
    والصباح الأبيضاني








    مريم الأخرى

    كلمات:
    محمد ابراهيم شمو

    ها هي الأرض تغطت بالتعب
    البحار اتخذت شكل الفراغ
    وأنا مقياس رسم للتواصل والرحيل
    وأنا الآن الترقب وانتظار المستحيل
    انجبتني مريم الأخرى قطاراً وحقيبة
    أرضعتني مريم الأخرى قوافي
    ثم أهدتني المنافي
    هكذا قد خبروني
    ثم قالوا لي ترجل
    ثم أنت .. أنت يا كل المحاور والدوائر
    يا حكايات الصبا
    تحفظين السر والمجد الذي
    ما بين نهديك اختبأ
    ليس يعنيك الذي قد ضاع من عمري هبا
    وأنا لست أدري
    ما الذي يدفعني دفعاً اليك
    ما الذي يجعلني أبدو حزيناً
    حين أرتاد التسكع في مرايا وجنتيك
    لا عليك
    فعلي هذي السفوح المطمئنة
    نحن قاتلنا سنينا واقتتلنا
    نحن سجلنا التآلف في انفعالات الأجنة
    واحتوانا البحر والمد اليقاوم والشراع
    يا هذه البنت التي تمتد في دنياي
    سهلاً وربوعاً وبقاع
    ما الذي قد صب في عينيك شيئاً
    من تراجيديا الصراع
    والمدى يمتد وجداً
    عابراً هذي المدينة
    خبريني هل أنا أبدو حزينا
    هل أنا القاتل والمقتول حيناً والرهينة
    هل أنا البحر الذي لا يأمن الآن السفينة
    خبئيني بين جدران المسام
    قبليني مرة في كل عام
    فأنا أشتاق أن أولد في عينيك طفلاً من جديد
    أرتدي اللون البنفسج
    أعتلي شكل الهوية
    ضيعتني مريم الأخرى
    سنينا في انتظار المجدلية
    آه لو تأتين آه؟!
    من عميق الموج من صلب المياه
    كالرحيل كالترقب وانتظار المستحيل
    كالترقب وانتظار المستحيل









    رعشة الشوق

    كلمات: محجوب الحاج (أبوالسيد)

    مرة بقصد احكي عنك
    وقولي من طابعه الاشارة
    شوفوا ديك القمرة بانت
    والنجوم حاطت مدارا
    غيبوا اتلاشوا في عيونها
    وغوصوا في أعماق بحارا
    وأبقوا اعرفوا من صفاها
    كيف صبحت اسير هواها
    ورأسي في ابعاد قرارا
    إلا لو مرات سرحت
    وقمت لمحت وقروني
    وعرفوا كل البينا عامر
    اصله باين في عيوني
    اعرف انه بحسن نية
    باحت الاعين شوية
    افشوا سري وغافلوني
    واتعرف ريدك متاعي
    وانو فكري واقتناعي
    والسعادة الضالة كوني
    ويسألك يا ذاتي عنك
    البراءة الفي عيونك
    الرزانة الفي انفعالك
    والضجيج الفي سكونك
    أنتي أبعد من خيالي
    ورعشة الشوق في سؤالي
    بتحكي عن ابداع محاسنك
    وعفة الطبع البصونك








    واقف براك

    كلمات: مدني يوسف النخلي

    واقف براك
    والهم عصف
    ريحاً كسح زهرة صباك
    ليلاً فتح شرفه وجع
    قمراً رحل فارق سماك
    مطر الحزن عاود هطل
    جدد عذاب الأرصفة
    ضي المصابيح البعيدة
    أتعب عيونك وانطفا
    لمتين مواعيدك سراب
    والريد شقا وحُرقة وجفا
    واقف براك
    بعد المشاوير البقت
    ممدودة في نبض التعب
    بتعود وتلقى رجاك زول
    حفظ الوداد زمناً صعب
    والباقي من ليل الهوى
    وعطر الصبابة الما انسكب
    والباقي من كل الغنا
    وسيل الكتابة الما نضب






    في عيونك

    كلمات: أبوذر الغفاري

    في عيونك ضجة الشوق والهواجس
    ريحة الموج البنحلم فوقو بي جية النوارس
    ياما شان زفة خريفك كل عاشق أدى فرضو
    وما في شمساً طاعمة طلت إلا تضحكي ليها برضو
    والغمام الفيك راحل في الصنوبر يلقى أرضو
    والصباح امتد ياما كل ما جاوبتي نبضو
    نشتهيك وياما نحلم نحكي ليك عن المسافة
    وعن سفن بالشوق بترسم في بحيراتك ضفافها
    عن ملامح غنوة طلت في عويناتك هتافا
    عن حقيقة نهاتي بيها وفي أساطير الخُرافة
    يا صباحات المواني
    حتى لو دربك ترنح في مشاوير الأغاني
    والجرح ارتد بينا لي زمان الآهة تاني
    يانا لا بنتحاشى صدك لا بتموت فينا الأغاني
    يا غنانا المشتهنو
    ياني موعود بي زمانك
    بي مواقيتو البرنو
    بي ارتعاش صرخة وجودك
    يوم يطل ميلادي منو
    لما اتوسد صباحك
    ياتو ليل يفصلني عنو






    سمحة وسمرية

    كلمات: محمد طه القدال

    سمحه وسمرية ومحبوبتي
    ولفتانا غزاله
    خضرة ومسقية وجنب النيل
    مشتولة التاله
    بهواك يابنية
    كتبته قصيد
    وبقوله مقالة
    ينفتحي في معاني غناي
    تجديلها مجالا
    زهرة وبرية
    بشوق الأرض عيونا كحالا
    تريانة ندية بعرق الناس
    والناس في بالا
    ياخوفاً على عقل وثبات
    ما ها الولوالة
    من فرص البي
    قلعت الخوف
    وكستني بسالة
    قتليها النية ..
    متين نتلم
    والحال بطالة
    قالتلي غنية وأنت معاي
    مستورة حاله
    بت سودانية
    ومحبوبتي
    ولفتانا غزاله




    أظنك عرفتي

    كلمات: جمال حسن سعيد

    أظنك عرفتي عواصفك مهبي
    أباري في خيالك يسوقني ويودي
    ونهرك يعدي ويجهل مصبي
    هواجسي البتزرع وظني البربي
    بديتك خواطر بتصحى وتساور
    وطيفك يزاور وروحك تحاور
    تجيبيني في زمانك موشح أساور
    أقول بس نسيتك
    وجرحك يتاور
    أظنك عرفتي عذاب المغني
    وطبله المجدّع شظايا التمني
    حروفه البتجزع في لحظة تجني
    وخطاه البتهرع متين تطمئني
    مُسرّج خيالك حصاني القبيل
    مُعَربد غباره وخلى الصهيل
    مسافر مسافر وفاقد دليل
    أظنك عرفتي هموم الرحيل


  3. #3
    الرونق الصورة الرمزية بكري البكري
    تاريخ التسجيل
    9 - 4 - 2007
    الدولة
    غرفة نومي في شقتي
    المشاركات
    12,727
    معدل تقييم المستوى
    10

    شكراً لك أخي الفاضل محمد ميرغني

    عبقرية مصطفى سيد أحمد تتجسد أيضاً في إنتقاء كلمات الشعراء

    فهو رحمه الله كان ينتقي شعراً معيناً يلامس كل جوانبنا

    شكراً لك

    قراءة بصمتٍ .. عشق تعدى حدود الواقع
    مثل الغزال نظرةً ولفتةً ... من ذا رآه مُقبلاً ولا افتَتَن
    أعذب خلقِ الله ثغراً وفماً ... إن لم يكنْ أحقَّ بالحُسْنِ فَمَنْ
    في ثغره وخدّه وصدغه ... الماءُ والخضرة والوجه الحَسَنْ
    بُليتُ به فقيهاً ذا جدال ... يجادل بالدليل وبالدلال
    طلبت وصاله والوصل حلو ... فقالَ: نهى النَّبيّ عن الوصال
    يا ملوكَ الجمال نحن أُسارى ... في هواكم وقد عدمنا الفداءَ
    فارحمونا فإنَّما يرحم الله ...... تعالى من خلقه الرحماءَ

  4. #4
    رونق مشرف
    تاريخ التسجيل
    15 - 5 - 2007
    المشاركات
    132
    معدل تقييم المستوى
    7

    حقيقه اخي بكري كان مصطفي ينتقي شعر معين يلامس شريحه معينه في الشعب السوداني ويلامسه شخصيا وحتي اذا نظرت الي الاغاني التي تغنا بها لفنانيين اخيرين هي كانت تشبه فنه وابدع فيها


  5. #5
    مشرف رونق العام الصورة الرمزية abughassan
    تاريخ التسجيل
    12 - 4 - 2007
    الدولة
    Abha KSA
    المشاركات
    1,238
    معدل تقييم المستوى
    9

    اخى محمد ميرغنى

    واصل تغريدك

    المصلحة الشخصيه هى دائماً الصخره التى تتحطم عليها اقوى المبادئ

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أغاني مصطفى سيد أحمد
    بواسطة سامية خالد في المنتدى رونق مصطفى سيد أحمد
    مشاركات: 0
    آخر مشاركة: 28 - 11 - 2012, 5:35 PM
  2. اغاني مصطفى مكتوبة
    بواسطة مجدوني في المنتدى رونق مصطفى سيد أحمد
    مشاركات: 16
    آخر مشاركة: 18 - 7 - 2010, 1:49 AM
  3. بعض اغاني مصطفي سيد احمد
    بواسطة شنداوي في المنتدى رونق مصطفى سيد أحمد
    مشاركات: 4
    آخر مشاركة: 4 - 7 - 2009, 9:52 AM
  4. لغاء مع الراحل مصطفي سيد احمد
    بواسطة محمد ميرغني في المنتدى رونق مصطفى سيد أحمد
    مشاركات: 0
    آخر مشاركة: 28 - 8 - 2007, 12:27 PM
  5. صور للراحل مصطفي سيد احمد
    بواسطة محمد ميرغني في المنتدى رونق مصطفى سيد أحمد
    مشاركات: 2
    آخر مشاركة: 16 - 8 - 2007, 1:21 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Bookmark and Share

Google